انا اللي يبي قربك وانا اللي لكم مشتـاق
انا اللي نثـر برضـك وروده وجوريّـه
شعوري مطر يهْمل وغرامي نهر دفـاق
نذرت العمر لجلـك ترفـق بـي شويّـه
ياعمري حروف اسمك تغنى بها الخفاق
يردد معـه فكـري ويعلـن عـلا نيّـه
احبه وحبـه مسكنـه داخـل الاعمـاق
يصيب الجسم رعشه الى حـل طاريّـه
الى من مشى كل المخاليق لـه تنسـاق
يعني عيونـك للحسـن صـار ماريّـه
وشعر(ن)سترمتنه وجبين(ن) كماالبراق
وخصر(ن)نحيل وشفة(ن) فوق ورديّـه
ورمش(ن) اذا سلهم لقلب العنا سـراق
والى من ضحك سنّه محى ظلمتي ضيّـه
ذبحني حسن وصفه حرق مهجتي احراق
غمرني الوله والشوق وحل الوهن فيّـه
عسى الله يسوقه لي واشوفه مع الاشراق
اشوفه بعـد غيبـه واجـدد لـه النّيـه
خذاه الزمن منـي وانـا للقـى تـواق
سلبنـي غرامـه بعـد ماكـان بيديـه
اقلّـب رسايلهـم واقلّـب قديـم اوراق
الآقـي بهـا ذكـرى وهمسـات حنّيـه
ياربي ترده لي وعانـق هـواه اعنـاق
الاضحى بعد ليله وشوفـه لـي عيديّـه ..
موضوع: اهـــــــــــــــــــــــــــــــداء""""""""" 
الإثنين أغسطس 31, 2009 10:03 pm
